काठमाडौं। वैदेशिक रोजगारीका लागि स्लोभाकिया पठाइदिने भन्दै रकम ठगी गर्ने एक जना पक्राउ परेका छन्। पक्राउ पर्नेमा बालाजु बस्ने ३३ वर्षीय बन्दुराज पराजुली रहेका छन्। 

उनले आकर्षक तलबको प्रलोभनमा पारेर ६ लाख ६८ हजार रुपैयाँ ठगी गरेका थिए। पराजुलीलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले असार ७ गते बालुवाटारबाट पक्राउ गरेको हो। 

पक्राउ परेका पराजुलीलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाइएको छ ।