×

Live on

रेडियो अर्थ सरोकार

Listen to live radio.

हजार बढीबाट करोडौँ ठग्ने ६ कन्सल्टेन्सी सञ्चालक पक्राउ

GLOBAL IME BANK
KAMANA SEWA BIKAS BANK

हजार बढीबाट करोडौँ ठग्ने ६ कन्सल्टेन्सी सञ्चालक पक्राउ

३१ जेष्ठ २०८१, बिहीबार

पढ्न लाग्ने समय: १ मिनेटभन्दा कम

काठमाडौँ । विदेश पठाउने भन्दै झुठो विज्ञापन गरेर करोडौँ ठगी गर्ने ६ कन्सल्टेन्सी सञ्चालक पक्राउ परेका छन् । एक हजार भन्दा धेरै व्यक्तिबाट २ करोड ५० लाख बढी रकम ठगेको आरोपमा उनीहरुलाई पक्राउ गरिएको हो ।

पक्राउ पर्नेमा सुर्खेतका २७ वर्षीय रेशम रावल, २४ वषीय प्रेम बहादुर रावल, डडेल्धुराका २६ वर्षीय राजेश साउँद, अछामका २५ वर्षीय टंकराज खनाल, काभ्रेपलाञ्चोकका ३० वर्षीय सुरेन्द्र तामाङ र मोरङका ३५ वर्षीय सन्तविर घिमिरे रहेका छन् । उनीहरुलाई काठमाडौँ उपत्यका अपराध अनुसन्धान कार्यालयको टोलीले काठमाडौँका विभिन्न स्थानबाट पक्राउ गरेको हो ।

उनीहरुले सामाजिक सञ्जालमार्फत विदेश पठाउने भन्दै झुठो विज्ञापन गरेर पीडितबाट सक्कली कागजात लिने र पछि सक्कली कागज फिर्ता गर्न पैसा लाग्ने भन्दै ठगी गरेको प्रहरीले जनाएको छ ।

उनीहरुले प्रतिव्यक्ति डेढ लाख देखि २ लाख रुपैयाँसम्म ठगी गरेको पाइएको छ । पक्राउ परेकाहरुले पीडितहरुलाई पोल्याण्ड, पोर्चुगल, फ्रान्स, माल्टा, रोमानिया, क्रोएसिया लगायतका देश पठाइदिने भन्दै ठगी गरेको प्रहरी अनुसन्धानबाट खुलेको छ । हाल पक्राउ परेका उनीहरुलाई थप अनुसन्धान तथा आवश्यक कारवाहीका लागि प्रहरी परिसर टेकु पठाइएको छ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: