">
काठमाडौँ । काठमाडौँ महानगरपालिकाले न्युरोडको फुटपाथमा पुनः काम सुरु गरेको छ । उच्च अदालत पाटनले फुटपाथ विस्तारको लागि बाटो खुलाएसँगै महानगरले पुनः न्युरोडको फुटपाथ विस्तारको काम अघि बढाएको हो ।
यसअघि महानगरले न्युरोडको फुटपाथ बढाउने गरी सुरु गरेको काममा सडक विभागले हस्तक्षेप गरेर काम रोकेको थियो । यतिसम्मकी फुटपाथ विस्तारमा प्रयोग भएका सामान जफत गर्नुका साथै सडक विभाग अन्तर्गतको डिभिजन सडक कार्यालयले महानगरले काटेको कालोपत्रे पनि रातारात टालेको थियो ।
कार्यालयले न्युरोडको उक्त सडक सडक विभाग अन्तर्गत पर्ने भन्दै महानगरलाई फुटपाथ विस्तारको काम रोक्न पत्र लेखेको थियो ।
तर, उच्च अदालत पाटनका न्यायाधीश ध्रुव्रचन्द्र नन्द र प्रकाश खरेलको संयुक्त इजलासले डिभिजन सडक कार्यालयको पत्र कार्यान्वयन नगर्न अन्तरिम आदेश दिएसँगै महानगरलाई फुटपाथ विस्तारको काम अघि बढाउन बाटो खुलेको हो । त्यसलगत्तै महानगरले न्युरोड क्षेत्रमा फुटपाथ विस्तारको काम अघि बढाएको छ । बाँकी फोटो फिचरमा हेर्नुहोस्ः
