काठमाडौं । वैदेशिक रोजगारीका लागि सिंगापुर पठाइदिने भन्दै रकम ठगी गर्ने एकजना पक्राउ परेका छन् । पक्राउ पर्नेमा टोखा नगरपालिका वडा नं. १० बस्ने ३६ वर्षीय अञ्जना राई रहेकी छिन् ।

उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले साउन ९ गते पक्राउ गरेको हो । प्रहरीका अनुसार उनले दुई जनालाई सिंगापुर पठाउने भन्दै तीन लाख ३६ हजार रुपैयाँ ठगी गरेकी थिइन् ।

हाल उनलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।