काठमाडौँ । हिंसा चर्किएपछि बङ्गलादेशबाट नेपाली विद्यार्थीहरु स्वदेश फर्किन थालेका छन् । सरकारी जागिरमा आरक्षणको विरोध गर्दै बङ्गलादेशमा सुरु भएको विद्यार्थी प्रदर्शन हिंसात्मक हुन थालेपछी अध्ययनका लागि बङ्गलादेश गएका नेपाली विद्यार्थीहरु स्वदेश फर्किन थालेका हुन् ।
यसैबीच साउन ६ गते (आइतबार) त्रिभुवन अन्तराष्ट्रिय विमानस्थल हुँदै बङ्गलादेशबाट ४७ जना नेपाली विद्यार्थी स्वदेश फर्किएका छन् ।
कलेजको एम्बुलेन्समार्फत बङ्गलादेशको विमानस्थलसम्म पुगेका उनीहरु विमान बङ्गलादेशको उडानमार्फत नेपाल आएका हुन् । थप विद्यार्थीलाई आइतबार साँझ नै हिमालयन एयरलाइन्सको विमानमार्फत स्वदेश फर्काइनेछ ।
प्रधानमन्त्री केपी शर्मा ओलीले बङ्गलादेशमार्फत नेपाल फर्किन चाहने नेपाली विद्यार्थीसँग सहजिकरणका लागि आवश्यक पहल गर्न निर्देशन दिएसँगै हाल बङ्गलादेशबाट नेपाल फर्कने विद्यार्थीहरू बढेका छन् । बाँकी फोटो फिचरमा हेर्नुहोस्ः
