काठमाडौँ । निर्वेद  मोटर्स प्राइभेटले बनेपामा आफ्नो नयाँ टीभीएस सोरुम उद्‌घाटन गरेको छ । श्रावण ६  गते आयोजित उद्‌घाटन कार्यक्रममा प्रमुख अतिथिको रुपमा काभ्रे उद्योग वाणिज्य सङ्घको  माननीय राष्ट्रपति प्रताप वैद्यले रिबन काटेर सोरुमको उद्‌घाटन गरेका थिए ।

निर्वेद  मोटर्सको नयाँ सोरुमले स्थानीय समुदायको मोटरबाइक र स्कुटर आवश्यकताहरू पूरा गर्ने उद्देश्य राखेको छ । जसमा विभिन्न  टीभीएस मोडेलहरू उपलब्ध गराइनेछ। त्यति मात्र नभई टीभीएस सवारी साधनहरूको प्रदर्शनसँगै, सोरुमले स्पेयर पार्ट्स र सवारी साधन मर्मतसम्भार सहित व्यापक सेवाहरू प्रदान गर्नेछ ।

बनेपामा टीभीएस उत्साहीलाई उच्च स्तरका उत्पादन र सेवाहरू उपलब्ध  गराउने प्रतिबद्धता निर्वेद  मोटर्सका सञ्चालक रूपेश श्रेष्ठले जनाएका थिए । जगदम्बा मोटर्स प्रालि, नेपालमा टीभीएसका दुई पाङ्ग्रे सवारी साधनको एक मात्र आधिकारिक वितरक हो ।

देशभर १५० भन्दा बढी डिलरहरूको बलियो सञ्जालका कारण टीभीएसले बजारमा आफ्नो मजबुत पकड बनाउन र ग्राहकहरूलाई सन्तुष्ट बनाउन सफल भएको छ । गुणस्तरीय उत्पादन, नवीन टेक्नोलोजीको प्रयोग, बिक्री पश्चातको उत्कृष्ट सेवा र देशभर जगेडा पार्टपुर्जाको उपलब्धताका कारण नै टीभीएस आज नेपालको सर्वाधिक रुचाइएको टुह्विलर ब्रान्डका रुपमा स्थापित हुन पुगेको छ ।