काठमाडौँ । र्यानसोमवयर आक्रमणको सिकार भएका ३ सय भारतीय बैंकको भुक्तानी सेवा बन्द भएको छ ।
भारतको प्रमुख बैंकिङ प्रविधि प्रदायक सी-ज टेक्नोलोजीमा भएको र्यानसोमवयर आक्रमणबाट बैंकहरुको भुक्तानी प्रणाली अस्थायी रुपमा बन्द भएका हुन् ।
हाल र्यानसोमवयरको आक्रमबाट हुनसक्ने थप क्षति न्यूनिकरणका लागि नियामक प्राधिकरणका अधिकारीहरुले देशको फराकिलो भुक्तानी नेटवर्कबाट लगभग ३ सय साना बैंकहरु बिच्छेद गरेको छ । त्यस्तै, एनपीसीआईले आक्रमण नफैलियोस् भनेर लेखापरीक्षणसमेत गरिरहेको छ ।
के हो र्यानसोमवयर ?
र्यानसोमवयर एक प्रकारको क्रिप्टोभाइरोलोजिकल मालवेयर हो । यसले ‘फिरौती’ भुक्तान नगरेसम्म पीडितको व्यक्तिगत डेटामा पहुँचलाई स्थायी रुपमा रोक्छ । र्यानसोमवयर आक्रमणले सी-एज टेक्नोलोजीहरुलाई असर गरेको छ । यसले राष्ट्रव्यापी साना बैंकहरुलाई बैंकिङ प्रविधि प्रणालीहरु प्रदान गर्दछ ।
