काठमाडौं । गुरुङ जातिको मृत्यु संस्कारसँग जोडिएको नाच हो स्यार्ग । यस जातिमा मानिसको मृत्यु पश्चात १३ दिन या त ४५ दिनमा ‘पैं’ अर्थात अर्गुम गर्ने परम्परा रहेको हुन्छ ।
सोहि अर्गुममा ‘सिमी’ अर्थात मृत आत्मालाई स्वर्ग तार्न भाई खलक र छोरी बहिनीहरु मिलेर स्यार्ग गाईने र नाचिने गरिन्छ । यो नाच गुरुङ जातिको बाहुल्यता रहेको कास्की, स्याङ्जा, लमजुङ, गोरखा, तनहुँमा नाचिने गरिन्छ ।
यसका साथै विभिन्न जिल्लाबाट उपत्यकामा बसोबास गर्ने गुरुङ जातिहरुले समेत यस परम्परालाई निरन्तरता दिएको पाइन्छ ।
यसै अवसरमा मिलिजुली बाबा समुह नार लामा क्होईबो घिं गुम्बा, काठमाडौँका सदस्यहरुले सोपाल गुरुङ समाजमा सो स्यार्ग नाच प्रस्तुत गरेका छन् । बाँकी तस्विरमा हेर्नुहोस् :
