काठमाडौँ । ऊर्जा, जलस्रोत तथा सिंचाईमन्त्री दीपक खड्काले ठूलाठूला जलविद्युत आयोजनाको कामले गति लिन थालेको दाबी गरेका छन् । उनले पञ्चेश्वर, बुढिगण्डकी, उपर अरुणजस्ता ठूलाठूला जलविद्युत आयोजनाहरुको कामले गति लिन थालेको दाबी गरेका हुन् ।
उनले सरकारले हाइड्रोपावर क्षेत्रमा अधुरा आयोजनाहरुको कामलाई सम्पन्न गर्नेगरी अघि बढाएको पनि उल्लेख गरेका छन् ।
त्यस्तै, मन्त्री खड्काले स्वदेशमै रोजगारी सृजना हुने खालको आयोजनाहरुको कामलाई समयमै सम्पन्न गर्न सरकार कटिवद्ध भएर लागेको पनि उल्लेख गरेका छन् । ‘अब सरकार रोजगारी सृजनातिर उन्मुख छ । र अधुरा आयोजनाहरु, अधुरा कामहरु समयमै सम्पन्न गर्नका लागि सरकार कटिवद्ध भएर लागेको छ ।’, मन्त्री खड्काले भने ।
मन्त्री खड्काले आयोजनाहरुको कामलाई सम्पन्न गर्नका लागि नेपालमा अझै पनि प्राविधिक जनशक्तिको अभाव रहेको स्वीकार्दै त्यसतर्फ पनि ध्यान दिनुपर्नेमा जोड दिएका छन् ।
