काठमाडौँ । चिनियाँ लगानीमा उत्पादित क्लिन्करबाट बनाइएको सिमेन्टको गुणस्तरियतामा प्रश्न उठेसँगै ती क्लिन्करबाट उत्पादित सिमेन्टको निर्यात रोक्न भारतीय व्यापारीहरुले आग्रह गरेका छन् । गुणस्तरको बीएसआई आईएसआईको मापदण्ड पूरा भएको विषयमा शंका उब्जिएपछि व्यापारीहरुले ती सिमेन्टहरुको गुणस्तर जाँचको रिपोर्ट सार्वजनिक नगरेसम्म ती सिमेन्टहरु नकिन्ने अडान लिएका हुन् ।
विशेषगरी हुवासिन उद्योगबाट क्लिंकर आपूर्ति गरेर उत्पादित सिमेन्टका विषयमा व्यापारीहरुले विशेष चासो देखाएका छन् । बजारमा विभिन्न ब्राण्डका सिमेन्ट गुणस्तरहीन भेटिएको खबर सार्वजनिक भईरहेका बेला निकै चनाखो भएर मात्र सिमेन्ट नेपालबाट भारत सिमेन्ट निर्यात हुनुपर्नेमा व्यापारीहरुले जोड दिएका हुन् । अन्य सिमेन्ट उद्योगबाट उत्पादित सिमेन्ट भने राम्रो परिमाणमा नेपालबाट भारत निर्यात भईरहेका छन् ।
सरकारले सिमेन्ट निकासीलाई प्रवद्र्धन गर्ने भन्दै अनुदान घोषणा गरेपछि नेपालबाट भारत निर्यात हुने सिमेन्टको परिमाण ह्वात्तै बढेको छ । तर यहि बाहानामा गुणस्तर मापदण्ड यकिन नभएका सिमेन्टहरु पनि निर्यात गर्न अस्वभाविक पहल हुन थालेपछि व्यवसायीहरुले यस विषयमा चासो देखाएका हुन् ।
पछिल्लो समय भारत सिमेन्ट निर्यात गरेकै भरमा नेपालमा थुप्रै उद्योगहरु चलिरहेका छन् ।
