">
काठमाडौं । वैदेशिक रोजगारीका लागि पोर्चुगल पठाईदिने भन्दै रकम ठगी गर्ने एक जना पक्राउ परेका छन् । पक्राउ पर्नेमा कैलाली जिल्ला गोदावरी नगरपालिका वडा नं. २ घर भई हाल काठमाडौँ महानगरपालिका वडा नं. ३१ बानेश्वर बस्ने दिपा चन्द रहेकी छिन् ।
उनलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले साउन २७ गते भक्तपुर ठिमीबाट पक्राउ गरेको हो ।
प्रहरीका अनुसार उनले आकर्षक तलबको प्रलोभनमा पारेर पीडितलाई पोर्चुगल पठाउने भनी ५ लाख ३५ हजार लिए पश्चात विदेश नपठाई सम्पर्क विहीन भएकी थिइन् ।
हाल उनलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
