काठमाडौं । वैदेशिक रोजगारीका लागि क्यानडा पठाईदिने भन्दै रकम ठगी गर्ने एक जना पक्राउ परेका छन् । पक्राउ पर्नेमा पर्सा जिल्ला विरगंज महानगरपालिका वडा नं. १३ घर भई ललितपुर महानगरपालिका वडा नं. १० बस्ने ५० वर्षीय महाविर प्रसाद जैशवाल (कुर्मी) रहेका छन् ।
उनले आकर्षक तलबको प्रलोभनमा पारेर क्यानडा पठाईदिने भन्दै ५ लाख २० हजार रुपैयाँ ठगी गरेका थिए । उनलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले ठमेलबाट पक्राउ गरेको हो ।
हाल उनलाई पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
