काठमाडौँ । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा ३२ वर्षीय सुरेश राना र ३३ वर्षीय राजेश बिष्ट रहेका छन् ।
उनीहरुले आकर्षक तलबको प्रलोभनमा पारेर ईटाली, रोमानियाम र दुबईलगायतका देशमा पठाउने भन्दै ८ जनाबाट १५ लाख ९३ हजार ५ सय रुपैयाँ ठगी गरेका थिए । उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले ललितपुर जिल्ला महालक्ष्मीस्थान नगरपालिका वडा नं. ०७ बाट पक्राउ गरेको हो ।
हाल दुवै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
