काठमाडौँ । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने चार जना पक्राउ परेका छन् । पक्राउ पर्नेमा ३० वर्षीय देव सुनार, २७ वर्षीय भिम सुनार, ३५ वर्षीय सुमन थापा र ४० वर्षीय कन्नजित राउत रहेका छन् ।
उनीहरुलाई काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो ।
पक्राउ परेकामध्ये देव सुनार र भिम सुनारले ९ जनालाई युरोपका विभिन्न मुलुक पठाईदिने भन्दै ९५ लाख ३४ हजार रुपैयाँ ठगी गरेको प्रहरीले जनाएको छ । त्यस्तै, सुमन थापाले एक जनालाई युके पठाईदिने भन्दै १२ लाख रुपैयाँ ठगी गरेका थिए ।
त्यसैगरी, कन्नजित राउतले एक जनालाई माल्टा पठाईदिने भन्दै तीन लाख ६० हजार रुपैयाँ ठगी गरेको प्रहरीले जनाएको छ ।
