काठमाडौँ । समृद्धि फाइनान्सले वृक्षारोपण कार्यक्रम सम्पन्न गरेको छ । कम्पनीले साउन २४ गते संस्थाको औरही शाखाबाट वृक्षारोपण कार्यक्रम सम्पन्न गरेको हो ।

कम्पनीले ब्रम्स्थान मन्दिर र जनता आधारभूत स्कूल औरही १ परिसरमा विभिन्न फलफूल र फुलका २७ वटा बोट लगाएको छ । साउन पहिलो साताबाट सुरु भएको वृक्षारोपण कार्यक्रम साउन महिना भित्र फाइनान्सका अन्य शाखाहरुबाट पनि सम्पन्न गर्ने तय भएको संस्थाले जनाएको छ ।

समृद्धि फाइनान्सले हाल तेह्र वटा शाखाहरू मार्फत नगद कारोबार, आरटिजिएस, आईपीएस, कनेक्ट आइपीएस, रेमिटेन्स, क्लियरिङ लगायतका बैंकिङ सेवा प्रदान गर्दै आएको छ भने मोबाइल बैंकिङ, डेबिट कार्ड, क्यूआर कोड आदि डिजिटल सुविधाहरू नि:शुल्क प्रदान गरिरहेको छ ।