">
काठमाडौँ । समृद्धि फाइनान्सले वृक्षारोपण कार्यक्रम सम्पन्न गरेको छ । कम्पनीले साउन २५ गते इटहरी शाखाबाट वृक्षारोपण कार्यक्रम सम्पन्न गरेको हो ।
स्थानीय बासिन्दाको सहभागिता रहेको उक्त कार्यक्रम इटहरी विराटनगर लयेन राजमार्ग परिसरमा १८ बगम्बेली फुलका बोट लगाई सम्पन्न गरिएको हो ।
साउन पहिलो साताबाट सुरु भएको वृक्षारोपण कार्यक्रम नारायणगढ र औरही शाखाबाट सम्पन्न भैसकेको र साउन महिना भित्र फाइनान्सका अन्य शाखाहरूबाट पनि सम्पन्न गर्ने तय भएको संस्थाले जनाएको छ ।
समृद्धि फाइनान्सले हाल तेह्र वटा शाखाहरू मार्फत नगद कारोबार, आरटिजिएस, आइपीएस, कनेक्ट आइपीएस, रेमिटेन्स, क्लियरिङ्ग लगायतका बैंकिङ्ग सेवा प्रदान गर्दै आएको छ भने मोबाइल बैंकिङ्ग, डेबिट कार्ड, क्यूआर कोड आदि डिजिटल सुविधाहरू नि:शुल्क प्रदान गरिरहेको छ ।
