काठमाडौँ । सोनापुर मिनरल्स एण्ड आयल लिमिटेड नोक्सानीमा गएको छ । गत आर्थिक वर्षको चौथो त्रैमाससम्मको अपरिस्कृत वित्तीय विवरण अनुसार कम्पनी ४६ करोड ९२ लाख रुपैयाँ नोक्सानीमा गएको हो । जबकी कम्पनीले अघिल्लो आर्थिक वर्षको सोही अवधिमा २ करोड ६२ लाख रुपैयाँ खुद नाफा कमाएको थियो ।
त्यस्तै, समीक्षा अवधिमा कम्पनीको सञ्चालन आम्दानी पनि ५.२२ प्रतिशतले घटेको छ । यसअवधिमा कम्पनीले १ अर्ब ६३ करोड ९९ लाख रुपैयाँ सञ्चालन आम्दानी गरेको छ ।
कम्पनीको वित्तीय विवरणअनुसार असार मसान्तसम्म कम्पनीको कुल नाफा ७९.९७ प्रतिशतले घटेको छ भने अन्य आम्दानी ९९.१२ प्रतिशतले घटेको छ । यसअवधिमा कम्पनीको सञ्चालन मुनाफा पनि १३ करोड ४६ लाख रुपैयाँ ऋणात्मक रहेको छ ।
असार मसान्तसम्म खुद नाफासँगै कम्पनीको प्रतिसेयर आम्दानी (ईपीएस)समेत १५ रुपैयाँ २६ पैसा ऋणात्मक छ । यस अवधिमा कम्पनीको प्रतिसेयर नेटवर्थ १६३ रुपैयाँ २४ पैसा रहेको छ ।
