काठमाडौँ । काठमाडौँमा जारको पानीमा ४७ रुपैयाँ भन्दा बढी लिए कारबाही हुने भएको छ । पानीको अधिकतम खुद्रा मूल्य कायम राख्न सूचित गर्दै वाणिज्य, आपूर्ति तथा उपभोक्ता संरक्षण विभागले जारको पानीमा प्रतिजार ४७ रुपैयाँभन्दा बढी लिएका कारबाही गर्ने भएको हो ।

विभागका अनुसार काठमाडौँ उपत्यकामा पानीको जार (२० लिटर) को मूल्य प्रतिजार अधिकतम ४७ रुपैयाँ तोकिएको छ । 

तर, पानी उत्पादक कम्पनीहरुले एकै परिणाम र एकै गुणस्तरको पानीमा पनि फरकफरक एमआरपी लगाएर बिक्री गरेको गुनासो आएको भन्दै पानीको मूल्यमा अधिकतम खुद्रा मूल्य कायम गर्न सूचित गरिएको विभागले जनाएको छ । 

त्यस्तै, विभागले पानीको बोत्तलको अधिकतम खुद्रा मूल्य १६ रुपैयाँ तोकेको छ । 

तर, पानी उत्पादक कम्पनीहरुले पानीको जार र बोत्तलमा तोकिएको भन्दा बढी मूल्यको एमआरपी लगाएको पाइएपछि पानी उत्पादक कम्पनीहरुलाई सचेत गराएको विभागले जनाएको छ । यसपश्चात् पनि पानीको मूल्यमा तोकिएको एमआरपी कायम नगरे कारबाही गरिनेसमेत विभागले चेतावनी दिएको छ ।