काठमाडौँ । वैदेशिक रोजगारीका लागि क्यानडा पठाइदिन्छु भन्दै रकम ठगी गर्ने व्यक्ति पक्राउ परेका छन् । पक्राउ पर्नेमा ३४ वर्षीय रामहरी भण्डारी रहेका छन्।

उनले बेरोजगार युवा युवतीहरुलाई आकर्षक तलबको प्रलोभनमा पारेर रकम ठगी गरेका थिए ।

काठमाडौँ उपत्यका अपराध अनुसन्धान कार्यलयबाट खटिएको प्रहरी टोलीले जिल्ला काठमाण्डौं गोकर्णेश्वर नगरपालिका वडा नं. ०१ सुन्दरीजलबाट असोज ३ गते भण्डारीलाई पक्राउ गरेको हो ।

पक्राउ परेका व्यक्तिको थप अनुसन्धानका लागि वैदेशिक रोजगार विभाग, ताहाचल पठाईएको प्रहरीले जानाएको छ ।