काठमाडौं । मकवानपुरमा एक दिने सेयर तालिम सम्पन्न भएको छ । लियो क्लब अफ पिस थाहानगरको आयोजनामा भदौ २२ गते सेयर तालिम सम्पन्न भएको हो ।
पालुङ जेसिज सभाहलमा भएको तालिममा ७० बढि युवाको सहभागिता रहेको थियो । पछिल्लो समय सेयर बजारबाट पनि राम्रो आम्दानी गरिरहेको उदाहरणहरु प्रस्तुत भैरहँदा थाहानगरका युवाहरु पनि तालिमतर्फ आकर्षित भएका हुन् ।
तालिममा सहभागीहरुलाई सेयर गुरु सुभासाचन्द्र भट्टराइले सहजीकरण गरेका थिए । प्रशिक्षक भट्टराइले तालिममा सेयर बजार सम्बन्धी सैद्धान्तिक ज्ञान, व्यवहारिक तालिम, जोखिम व्यवस्थापन, मुल्याङ्कन र विश्लेषण, मानसिकता र अनुसाशन, समसामयिक बजारको जानकारीलगायतको विषयमा सहजीकरण गरेका थिए ।
तालिमका साथमा प्रश्नोत्तरसहित भट्टराइले सेयर बजार सम्बन्धित अनुभवहरु समेत उल्लेख गरेका थिए । थाहानगरमै पहिलो पटक आयोजना गरिएको यस किसिमको तालिमप्रति युवाको आकर्षणलाई उनले सकारात्क सूचक भएको बताए ।
तालिमका सहभागीहरुलाई प्रमाणपत्र पनि वितरण गरिएको छ ।
