कृषि बिकास बैंक आजकल अनौठो फण्डा चलाउँछ
ठुला ऋणीले ऋण नतिर्दा ज्युज्यु, सानालाई लिलामीको डण्डा चलाउँछ
मिल्दै नमिल्ने ऋण दिएथे सिइओले, अनि जागिरको बक्सिस लिएथे सिइओले
आफ्नालाई काखी च्यापेर कठै, किशानलाई बाटोमा ढलाउँछ
इपिएस झुटो छापेर सेयर बजार खेल्न हाकिमसापलाई सिकाउनुपर्दैन
जनताको पैसामा यस्तो मनपरी गर्ने कुबुद्धि खै कहाँबाट पलाउँछ ?
घोटाला, भ्रष्टाचार र मनपरी बेहिसाब छन्, बेहिसाब हजुर
अनि ऋणीले हाकिमको पुत्ला नजलाएर, यो मन्दीमा के जलाउँछ र?
