काठमाडौँ । कुलमान घिसिङ सर्वोच्च अदालत पुगेका छन् । आफूलाई विद्युत प्राधिकरणबाट बर्खास्त गर्ने सरकारको निर्णयविरुद्ध उनी बुधबार सर्वोच्च अदालत पुगेका हुन् । 

उनले आफूलाई गैरकानूनी रुपमा पदमुक्त गरेको भन्दै सरकारको निर्णय खारेज गरी विद्युत प्राधिकरणको कार्यकारी निर्देशकमा पुनस्थापना गर्न माग गरेका छन् । 

कुलमानले सर्वोच्चमा दायर गरेको रिट निवेदनमा नेपाल सरकार, उर्जा मन्त्रालय, नेपाल विद्युत प्राधिकरण र प्राधिकरणका कार्यकारी निर्देशक हितेन्द्रदेव शाक्य लगायतका विपक्षी बनाइएको छ । 

गल्ती नै नगरी कार्यसम्पादन गरिरहेको अवस्थामा बदनियतका साथ आफूलाई पदमुक्त गरेको कुलमानले दायर गरेको निवेदनमा उल्लेख छ । सोमबार बसेको मन्त्रिपरिषदको बैठकले कुलमानलाई प्राधिकरणबाट हटाउने र कार्यकारी निर्देशकमा हितेन्द्रदेव शाक्यलाई नियुक्त गर्ने निर्णय गरेको थियो ।