काठमाडौँ । तीनकुने घटनामा ज्यान गुमाएका सविन महर्जनकी श्रीमतीलाई भाटभटेनी सुपरमार्केटले जागिर दिने भएको छ । भाटभटेनीका अध्यक्ष मीन बहादुर गुरुङ महर्जनकी श्रीमतीलाई जागिर दिने घोषणा गरेका हुन् ।
तीनकुने घटनामा ज्यान गुमाएका महर्जनको आर्थिक सहयोगका लागि आफूले घोषणा गरेको ३ लाखको चेक हस्तान्तरण गर्दै गुरुङले महर्जनकी श्रीमतीलाई जागिर दिने पनि घोषणा गरेका छन् ।
गुरुङले सोही घटनामा ज्यान गुमाएका सुरेश रजकको परिवारलाई पनि घरमै पुगेर पाँच लाख रुपैयाँ बराबरको चेक हस्तान्तरण गरेका छन् । उनले दुःखद समयमा साथ दिन आफू उपस्थित भएको प्रतिक्रिया दिएका थिए ।
चैत १५ गते तीनकुनेमा राजावादीको आन्दोलनका क्रममा प्रहरीले चलाएको गोली लागेर महर्जनको मृत्यु भएको थियो भने सुरेशको आगोमा जलेर मृत्यु भएको थियो ।
