काठमाडौँ । तीनकुनेको प्रदर्शनलाई हिंसात्मक बनाएको आरोप लागेका व्यवसायी दुर्गा प्रसाईंलाई नेपाल ल्याइँदैछ । शुक्रबार भारतमा नियन्त्रणमा लिइएका प्रसाईंलाई भारतीय प्रहरीको सहयोगमा नेपाल ल्याउन लागिएको हो । 

प्रसाईंलाई लिएर आएको भारतीय प्रहरीको टोली केही समयमा नेपाल पुग्ने बताइएको छ । प्रसाईंलाई ल्याइँदै गरेको थाहा पाएपछि उनका समर्थकहरु मेची पुलमा पुगेका छन् । 

बिहीबार नेपाल प्रहरीले दुर्गा प्रसाईं पक्राउ परेको खबर झुठो भएको दाबी गरे पनि प्रसाईंलाई भारतीय प्रहरीले बिहीबार नै आसाममा नियन्त्रणमा लिएको थियो । उनलाई नेपाल ल्याएपछि औपचारिक रुपमा नेपाल प्रहरीले पक्राउ गर्नेछ ।

दुर्गा प्रसाईंको सचिवालयले समेत प्रसाईंले बिहीबार नै भारतीय प्रहरी समक्ष आत्मसमर्पण गरेको बताएको छ ।