काठमाडौँ । काठमाडौँ विश्वकै दोस्रो प्रदुषित सहर बनेको छ । केही दिनदेखि अत्याधिक बढिरहेको काठमाडौँको वायु प्रदुषणका कारण सोमबार काठमाडौँ विश्वकै प्रदुषित सहरको सूचीमा दोस्रो स्थानमा छ ।
आईक्यू एयरका अनुसार सोमबार बिहान काठमाडौँको वायु गुणस्तर इन्डेक्स (एक्यूआई) २११ छ । जुन मानव स्वास्थ्यका लागि निकै अस्वस्थकर मानिन्छ ।
त्यस्तै, विश्वको प्रदुषित सहरको पहिलो नम्बरमा भारतको नयाँ दिल्ली छ । नयाँ दिल्लीको एक्यूआई २७७ छ भने विश्वकै तेस्रो प्रदुषित सहर पाकिस्तानको लाहोरको एक्यूआई २०८ छ । गत मंगलबार र शुक्रबार काठमाडौँ विश्वकै प्रदुषित सहरको सूचीमा पहिलो नम्बरमा थियो ।
काठमाडौँमा पनि अझ शंखपार्क क्षेत्रको हावा सबैभन्दा बढी प्रदुषित रहेको बताइएको छ । सोमबार बिहान शंखपार्ककको एक्यूआई २८४ मापन गरिएको छ । प्रदुषण व्यापक बढेपछि अत्यावश्यक बाहेकका काममा बाहिर ननिस्किन चिकित्सकहरुले आग्रह गरेका छन् ।
