काठमाडौँ । राष्ट्रिय परीक्षा बोर्डले कक्षा १२ को परीक्षा नरोक्ने निर्णय गरेको छ । 

मङ्गलबार बिहान बसेको बोर्डको बैठकले बैशाख ११ गतदेखि सञ्चालन हुने कक्षा १२ को परीक्षा नरोक्ने निर्णय गरेको हो । 

पछिल्लो २१ दिनदेखि चलिरहेको शिक्षक आन्दोलनका कारण कक्षा १२ को परीक्षा रोकिन सक्ने अनुमान गरिएको थियो । यता शिक्षकहरुले पनि परीक्षामा सहभागी नहुने घोषणा गरेपछि परीक्षा निर्धारित मितिमै सुरु हुन्छ भन्नेमा शंका थियो । 

तर, बोर्डले परीक्षा नरोक्ने निर्णय गरेको छ । बरु सम्पूर्ण जिल्लाका परीक्षा समन्वय समितिमार्फत कक्षा १२ को परीक्षा केन्द्र भएका विद्यालयहरुलाई परीक्षा सञ्चालन गर्न अनुरोध गर्ने बोर्डले निर्णय गरेको छ ।