काठमाडौँ । गृहमन्त्री रमेश लेखकले आफूलाई भिजिट भिसा प्रकरणमा षड्यन्त्रपूर्वक फसाउन खोजिएको बताएका छन् । बुधबार पत्रकार सम्मेलन गर्दै उनले भिजिट भिसामा नियोजित रुपमा आफूलाई फसाउन षड्यन्त्र गरिएको बताएका हुन् ।
भिजिट भिसा प्रकरणमा अख्तियार दुरुपयोग अनुसन्धान आयोगले अनुसन्धान सुरु गरिसकेको भन्दै गृहमन्त्री लेखकले अनुसन्धानमा सघाउने बताएका छन् ।
तर, जबर्जस्ती आफूमाथि लगाइएको आरोप गलत भएको भन्दै गृहमन्त्री लेखकले प्रतिशोध साँधेर मागिएको राजिनामा गलत भएको बताएका छन् । साथै उनले आफूमाथि अन्याय भएको भन्दै आफूलाई न्याय दिनुपर्ने पनि बताएका छन् ।
उनले एउटाले गरेको आपराधिक गतिविधि अर्कोमा नसर्ने भन्दै आफूले नगरेको कामको जिम्मेवारी लिन भन्नु इर्श्या, पूर्वाग्रही र प्रतिशोध भएको दाबी गरेका छन् ।
