काठमाडौँ । मेडिकल व्यवसायी दुर्गा प्रसाईंलाई थप दुई दिन हिरासतमा राख्न अदालतले आदेश दिएको छ । बिहीबार काठमाडौँ जिल्ला अदालतले प्रसाईंलाई थप दुई दिन हिरासतमा राख्न आदेश दिएको हो ।

गत चैत १५ गतेको राजावादी आन्दोलनलाई हिंसात्मक बनाएको आरोपमा प्रसाईंलाई प्रहरीले पक्राउ गरेको थियो ।

प्रसाईंलाई बिहीबार म्याद थपका लागि अदालतमा उपस्थित गराइएको थियो । उनलाई अदालतले थप दुई दिन हिरासतमा राखेर अनुसन्धान गर्न अनुमति दिएको छ ।  आदलतको यस्तो अनुमतिसँगै प्रसाईंको हिरासत बसाईं थप लम्बिएको छ ।