काठमाडौँ । अर्थमन्त्री विष्णु पौडेलले विदेश पलायन भइरहेको युवा जनशक्तिलाई स्वदेशमै रोक्न सही नतृत्व चाहिने बताएका छन् । काठमाडौँमा आयोजित एक कार्यक्रमलाई सम्बोधन गर्दै अर्थमन्त्री पौडेलले हाल नेपालबाट ठूलो जनशक्ति विदेश पलायन भइरहेको र सो क्रम रोक्न सही राजनीतिक नेतृत्व चाहिने बताएका हुन् ।
उनले हाल मान्छेले अन्तरिक्षमा सम्भावना खोजिरहेका बेला हामीले देशभित्रै सम्भावना किन नखोज्ने भन्दै प्रश्न समेत गरेका छन् ।
यही आवश्यकतालाई ध्यानमा राख्दै हाल सरकारले सही नेतृत्व, सक्षम राजनीतिक नेतृत्व, सही विचार, सही दृष्टिकोण र प्रभावकारी कार्ययोजनाको आवश्यकतालाई महत्वका साथ अघि सारेको अर्थमन्त्री पौडेलले बताएका छन् ।
त्यस्तै, उनले आफ्ना जनशक्तिलाई देशभित्र कसरी रोक्न सक्छौँ ? कसरी सम्भावना देशभित्रै खोजी गर्न सक्छौँ ? भन्ने उद्देश्यमा केन्द्रित रहेर अहिलेको बजेट आएको पनि दाबी गरेका छन् ।
