काठमाडौँ । पूर्व अर्थमन्त्री वर्षमान पुनले घाटामा गएका कम्पनीलाई प्रिमियम मूल्यमा सेयर जारी गर्न दिएकै कारण साना लगानीकर्ताको लगानी जोखिममा परेको बताएका छन् ।
अर्थ समितिको बिहीबारको बैठकमा बोल्दै उनले दीर्घकालीन असरलाई ध्यान नगरी विगतमा धितोपत्र बोर्डले घाटामा गएका कम्पनीलाई प्रिमियममा आईपीओ जारी गर्न दिएको कारण अहिले साना लगानीकर्ताको लगानी जोखिममा रहेको बताएका हुन् ।
उनले बोर्डले अनुमति दिनु नै गल्ती भएको भन्दै बोर्डको त्यही गल्तीका कारण आज लगानीकर्तामाथि गम्भीर आघात पुगेको बताउका छन् ।
त्यस्तै, उनले बैठकमा नयाँ स्टक एक्सचेञ्जको विषयमा पनि आवाज उठाएका छन् । उनले हाल हतार गरेर नयाँ स्टक एक्सचेञ्ज ल्याउन नहुने बताएका छन् । बरु नेपाल स्टक एक्सचेञ्ज (नेप्से)को पुनर्संरचना गर्दा ५१ प्रतिशत निजी क्षेत्रलाई दिनुपर्नेमा जोड दिएका छन् ।
