काठमाडौँ । कुखुराको अण्डाको मूल्य बढेको छ । नेपाल लेयर्स कुखुरापालक संघले सोमबारदेखि लागू हुने गरी कुखुराको अण्डाको मूल्य प्रतिक्रेट ५० रुपैयाँले बढाएको हो ।

योसँगै ठूलो अण्डाको मूल्य प्रतिक्रेट ५ सय रुपैयाँ र मध्यम अण्डाको मूल्य ४ सय ५० रुपैयाँ पुगेको छ । यो होलसेल मूल्य हो । त्यस्तै, अण्डाको मूल्यवृद्धि चितवनलाई आधार बनाएर निर्धारण गरिएको संघले जनाएको छ ।

अण्डाको उत्पादन घटेको र खपत बढेको भन्दै संघले मूल्य बढाएको हो । उपभोक्ताका लागि एउटा अन्डाको खुद्रा मूल्य भने २२ रुपैयाँकै हाराहारीमा रहेको संघले जनाएको छ ।