काठमाडौँ । अर्थ मन्त्रालयले २० सवारीसाधनको पूर्णबीमा (फूल इन्स्योरेन्स) गरेको छ । मन्त्रिपरिषद्को निर्णय अनुसार अर्थ मन्त्रालयले नेपाल बीमा कम्पनीमार्फत २० सवारीसाधनको पूर्णबीमा गरेको हो । 

मन्त्रालय मातहतका २० सवारीसाधनको पूर्णबीमाले आगलागी, दुर्घटनाजस्ता कारणबाट सवारीसाधनमा क्षति भए बीमा दाबी रकमबाट सवारीसाधन खरिद गर्न सकिने मन्त्रालयका अधिकारीले बताएका छन् । 

सवारीसाधनको पूर्णबीमा गर्दा सम्भावित जोखिमको क्षति बहन गर्न सहज हुने मात्र नभएर सरकारी कोषबाट हुने खर्चमा कमी आउने पनि विश्वास गरिएको छ । सँगै सार्वजनिक वित्त प्रभावकारी बनाउने अपेक्षा समेत अर्थ मन्त्रालयले गरेको छ ।