काठमाडौँ । नेकपा एमालेका अध्यक्ष केपी शर्मा ओलीले दुर्गा प्रसाईंलाई तत्काल रिहा गर्न माग गरेका छन् । काठमाडौँमा आयोजित उपत्यकास्तरीय भेलालाई सम्बोधन गर्दै ओलीले प्रसाईंको रिहाईको माग गरेका हुन् ।

उनले बोलेकै भरमा कसैलाई थुन्न नपाइने भन्दै प्रसाईंलाई तत्काल रिहा गर्न सरकारसँग माग गरेका छन् ।

सामाजिक सञ्जालमा सार्वजनिक गरिएको भिडियोकै आधारमा मध्यरातमा प्रसाईंलाई पक्राउ गरिएकोप्रति आपत्ति जनाएका छन् । दुर्गा प्रसाईंले उक्त भिडियोमार्फत भएकै कुरा सार्वजनिक गरेको पनि दाबी गरेका छन् ।

त्यस्तै, पूर्वप्रधानमन्त्रीसमेत रहेका ओलीले अभिव्यक्ति दिएकै आधारमा कसैलाई पक्राउ गर्न नपाइने पनि बताएका छन् ।