काठमाडौँ । नेपाल इन्भेष्टमेन्ट मेगा बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । बैंकले सार्वजनिक गरेको अपरिस्कृत वित्तीय विवरण अनुसार बैंकको नाफामा गिरावट देखिएको छ ।

पहिलो त्रैमाससम्ममा बैंकले ४५ करोड मात्रै खुद नाफा आर्जन गरेको छ । जबकी गत आर्थिक वर्षको पहिलो त्रैमासमा बैंकले १ अर्ब ४६ करोड ४० लाख ७५ हजार रुपैयाँ खुद नाफा आर्जन गरेको थियो ।

यस्तै, बैंकको खुद ब्याज आम्दानी पनि घटेको छ । गत वर्ष ३ अर्ब ८७ करोड ६७ लाख खुद ब्याज आम्दानी गरेकोमा यस वर्ष बैंकले ३ अर्ब २४ करोड ३१ लाख खुद ब्याज आम्दानी आर्जन गरेको हो ।

बैंकले सञ्चालन नाफा पनि १५ करोडमा सिमित भएको छ । असोज महिनासम्ममा खराब कर्जा अनुपात १.४६ पुगेको छ ।