काठमाडौँ । नेपाल प्रिमियर लिग (एनपीएल) सिजन-२ मा ४४ करोड बढी आम्दानी हुने अनुमान गरिएको छ । नेपाल क्रिकेट संघ (क्यान)ले यसपालिको एनपीएल सिजन-२ मा ४४ करोड बढी आम्दानी हुने अनुमान गरेको हो ।
‘एनपीएल सिजन-२’ मा क्यानले प्रयोजकबाट मात्र १५ करोड रुपैयाँ आम्दानी हुने अनुमान गरेको छ ।
त्यस्तै, फ्रेञ्चाइज टोलीबाट ९ करोड, टिकट बिक्रीबाट १२ करोड, ओटीटी राइट्स बिक्रीबाट ५ करोड ३० लाख र टिभी राइट्स बिक्रीबाट ३ करोड रुपैयाँ गरी ‘एनपीएल सिजन-२’ अवधिभरमा कुल ४४ करोड रुपैयाँ भन्दा बढी आम्दानी हुने क्यानले अनुमान गरेको छ ।
क्यानले ‘एनपीएल सिजन-२’ विजेता टिमलाई एक करोड ११ लाख, उपविजेता टिमलाई ५१ लाख, तेस्रो हुने टिमलाई पुरस्कारस्वरुप २५ लाख र चौथो हुने टिमलाई १५ लाख दिने जनाएको छ ।
प्रतिक्रिया दिनुहोस्