काठमाडौँ । युवाहरुले रोजगार अनुमति प्रणाली (ईपीएस) शाखामा आन्दोलन गरेका छन् । भाषा परीक्षा पास गरे पनि कोरिया पठाउन ढिलाइ गरेको भन्दै युवाहरुले ईपीएस कोरिया शाखामा आन्दालेन गरेका हुन् ।
आन्दोलन गर्दै ललितपुरको ग्वार्कोस्थित ईपीएस कोरिया शाखा पुगेका युवाहरुले कार्यालय घेराउ गरेका थिए ।
उनीहरुले भाषा परीक्षा पास गरेको दुई वर्ष बितिसक्दा पनि कोरिया जान नपाएको भन्दै चर्को नाराबाजी गरेका छन् । सन् २०२५ का लागि लिइएको भाषा परीक्षामा १७ हजार ३० जना उत्तिर्ण भएका थिए । ती मध्ये अधिकांश करार सम्झौता नहुँदा कोरिया जान पाएका छैनन् ।
आन्दोलनमा उत्रिएका युवाहरुले भाषा परीक्षा र सीप परीक्षा पास गरेका कामदारहरुलाई छिटो कोरिया पठाउन माग गरेका छन् ।
