काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछाने रिहा हुने भएसँगै नख्खु कारागारमा रास्वपा कार्यकर्ताको भीड लागेको छ ।

उच्च अदालत तुलसीपुरको बुटवल इजलासले रविलाई धरौटीमा रिहा गर्न आदेश दिएसँगै नख्खु कारागारमा रविको स्वागतका लागि रास्वपा कार्यकर्ताको भीड लागेको हो ।

अदालतले रविलाई २ करोड ६८ लाख रुपैयाँ जमानतवापत राख्न र त्यो राखेमा थुनामुक्त गर्न आदेश दिएको हो । त्यसबापत उच्च अदालतले थप एक करोड रुपैयाँ धरौटी राख्नसमेत आदेश दिएको छ ।