काठमाडौँ । अहिले काठमाडौँमा नेकपा एमालेको ११औँ महाधिवेशन चलिरहेको छ । महाधिवेशनमा आज (बुधबार) मतदान हुँदैछ । निर्वाचन स्थल काठमाडौँको भृकुटीमण्डप तोकिएको छ ।

भृकुटीमण्डपमा पछिल्लो तीन दिनदेखि एमाले नेता र कार्यकर्ताहरुको भीड लाग्ने गरेको छ । एमाले कार्यकर्ताको भीड र भीडमा प्रयोग भएका चुनावी पर्चाले काठमाडौँको भृकुटीमण्डपमा हेरिनसक्नु फोहोर भएको छ ।

अहिले काठमाडौँ महानगरपालिकाको ब्रुमरले भृकुटीमण्डप क्षेत्रमा सरसफाई गरिरहेको छ । निर्वाचनका नाममा महानगर क्षेत्रभित्र फोहोर गरेपछि बालेनले कारवाही पत्र पठाउनसक्ने देखिएको छ । महाधिवेशन सकिएपछि कारवाही पत्र पठाउने तयारी रहेको महानगरका कर्मचारीले बताएका छन् । बाँकी तस्विरमा हेर्नुहोस्ः