काठमाडौँ । ‘स्विट्जरल्यान्ड अफ नेपाल’ को उपनामले परिचित जिरी दोलखा जिल्लाको प्रमुख पर्यटन गन्तव्य हो । हरियाली डाँडाकाँडा, खुला फाँट, परम्परागत बस्ती र चिसो हावापानीले भरिएको जिरी पर्यटकको आगमनको प्रतीक्षामा छ ।

एक समय सगरमाथा आरोहणतर्फ जाने विदेशी पर्यटकहरूको प्रमुख प्रवेशद्वार मानिएको जिरीमा अहिले पर्यटक चहलपहल निकै कम देखिन्छ । सडक सञ्जाल विस्तार भए पनि पर्याप्त प्रचार प्रसार, पूर्वाधार विकास र व्यवस्थित पर्यटन योजनाको अभावले जिरी ओझेलमा परेको स्थानीयको गुनासो छ ।

जिरी आसपासका च्योर्दुङ डाँडा, हनुमन्ते डाँडा, जिरेश्वरी महादेव, शैलुङ डाँडा, कालिन्चोक भगवती, बिगु गुम्बा, तामाकोसी नदी क्षेत्र तथा रोल्वालिङ क्षेत्रजस्ता आकर्षक गन्तव्यहरू भने पर्यटनको ठूलो सम्भावना बोकेका छन् ।

यी गन्तव्यलाई जिरीसँग जोडेर प्याकेजका रूपमा प्रवर्द्धन गर्न सके आन्तरिक तथा बाह्य पर्यटक आकर्षित गर्न सकिने पर्यटन व्यवसायीहरूको भनाइ छ । स्थानीय संस्कृति, कृषि जीवनशैली र प्राकृतिक दृश्यलाई संरक्षण गर्दै दिगो पर्यटन विकास गर्न सके जिरी फेरि पर्यटकको आकर्षक गन्तव्य बन्न सक्ने स्थानीयको विश्वास छ । बाँकी तस्विरमा हेर्नुहोस्ः 

(तस्विरः नेपाल फोटो लाइब्रेरी)