काठमाडौँ । नेपाल प्रिमियर लिग (एनपिएल) सिजन–३ अन्तर्गत सोमबार (आज) दुई खेल हुँदैछन् । त्रिवि अन्तराष्ट्रिय क्रिकेट मैदानमा पहिलो खेलमा काठमाडौँ गोर्खाज र कर्णाली याक्स भिड्दैछन् ।

त्यस्तै, दोस्रो खेलमा सुदूरपश्चिम रोयल्स र चितवन राइनोज आमनेसामने हुँदैछन् ।

आजको पहिलो खेल दिउँसो १२ बजेदेखि सुरु हुनेछ भने दोस्रो खेल साँझ ५ बजेदेखि सुरु हुनेछ । आज हुने खेलमा काठमाडौँ पहिलो जितको खोजीमा छ भने कर्णाली याक्स तेस्रो जितसहित शीर्ष स्थान सुरक्षित गर्ने दाउमा छ ।

यता सुदूरपश्चि रोयल्स खेल जित्नैपर्ने दबाबमा छ । अर्कोतर्फ चितवन राइनोज भने एनपिएल सिजन–३ मा हालसम्म अपराजित छ ।