काठमाडौं । मिर्मिरे लघुवित्त वित्तीय संस्थाले वित्तीय विवरण सार्वजनिक गरेको छ । कम्पनीले गत आर्थिक वर्षको चौथो त्रैमासको वित्तीय विवरण सार्वजनिक गरेको हो । कम्पनीले असार मसान्तसम्म आइपुग्दा २० करोड १ लाख ३३ हजार रुपैयाँ खुद नाफा आर्जन गरेको छ । जुन अघिल्लो आर्थिक वर्षको भन्दा ४८१.९० प्रतिशतले बढी हो ।

अघिल्लो आर्थिक वर्षको यसैअवधिमा कम्पनीले ३ करोड ४३ लाख ९३ हजार रुपैयाँ मात्रै खुद नाफा आर्जन गरेको थियो । यस्तै कम्पनीको खुद ब्याज आम्दानी १२९.१९ प्रतिशत र सञ्चालन नाफा ४९०.०५ प्रतिशतले बढेको छ । प्रतिसेयर आम्दानी २२ रुपैयाँ ९१ पैसाले बढेर ४६ रुपैयाँ पुगेको छ । प्रतिसेयर नेटवर्थ १७९ रुपैयाँ ३८ पैसा छ ।