काठमाडौं । गत आर्थिक वर्षको चौंथो त्रैमासमा नाडेप लघुवित्त वित्तीय संस्थाको नाफामा आकर्षक वृद्धि भएको छ । कम्पनीले ८३६९.११% ले नाफा बढाएर १५ करोड ६८ लाख रुपैयाँ कमाउन सफल भएको हो । अघिल्लो वर्षको सोहि अवधिमा कम्पनीले १८ लाख ५२ हजार रुपैयाँ मात्र नाफा कमाएको थियो ।
यस्तै खुद ब्याज आम्दानी ८७.५७% र सञ्चालन नाफा २०७६.०५% ले बढेको छ । जसकारण नाफामा आकर्षक वृद्धि भएको छ । असारसम्म १ अर्ब ५४ करोड रुपैयाँ निक्षेप संकलन गरेको नाडेपले ४ अर्ब ४० करोड रुपैयाँ कर्जा लगानी गरेको छ ।
चुक्ता पूँजी ४० करोड ४८ लाख रुपैयाँ रहेको यस कम्पनीको रिजर्भ कोषमा ३६ करोड ७२ लाख रुपैयाँ रहेको छ । कम्पनीको प्रतिसेयर आम्दानी ३४ रुपैयाँ ९९ पैसाले बढेर ३८ रुपैयाँ ७५ पैसा पुगेको छ ।
