काठमाडौं । सूर्या लाइफ इन्स्योरेन्सको खुद नाफा २३.०१% ले बढेको छ । कम्पनीले गत आर्थिक वर्षको अन्त्यसम्म नाफा बढाएर ३२ करोड ३२ लाख ७१ हजार रुपैयाँ खुद नाफा कमाउन सफल भएको हो ।

कम्पनीका अनुसार खुद बिमा शुल्क पनि ४६.९७% ले बढेर ४ अर्ब १८ करोड २० लाख ७९ हजार रुपैयाँ पुगेको छ भने  रिजर्भ कोष तथा जीवन बिमा कोषमा पनि सुधार भएको छ ।

यस्तै कम्पनीको प्रतिसेयर आम्दानी २ रुपैयाँ १० पैसाले बढेर १४ रुपैयाँ २९ पैसा पुगेको छ । प्रतिसेयर नेटवर्थ ४ रुपैयाँ ३२ पैसाले बढेर १३२ रुपैयाँ ३९ पैसा पुगेको कम्पनीले जनाएको छ ।