काठमाडौँ । नभएको नाफा देखाएर लगानीकर्ताहरुलाई फसाउन खोज्ने खानीखोला जलविद्युत कम्पनीलाई विद्युत नियमन आयोगले स्पष्टिकरण सोध्ने भएको छ । आयोगले कम्पनी घाटा गएको अवस्थामासमेत अस्वभाविक नाफा देखाएर लगानीकर्तालाई फसाउन लागे पछि यस विरुद्द कम्पनीलाई स्पष्टिकरण सोध्ने भएको हो ।
यता त्यसको बोधार्थ नेपाल धितोपत्र बोर्डलाईसमेत दिइनेछ । कम्पनीले गत साता आर्थिक वर्ष २०७७/७८ को चौथो त्रैमासमा ३३ करोड १६ लाख रुपैयाँ नाफा र प्रतिशेयर आम्दानी ७१.२१ रुपियाँ रहेको वित्तीय विवरण सार्वजनिक गरेको थियो ।कम्पनीले नाफाको भएको वित्तीय विवरण प्रकाशित गरेपछि सेयर बजारमा कम्पनीको सेयरमा रुपमा वृद्धि भएको छ ।
कम्पनीले ४१ करोड ३ लाख रुपैया क्षतिपूर्ति दाबीसहितको रकमलाईसमेत नाफामा देखाएर वित्तीय विवरण प्रकाशित गरेको हो । यता आयोगका प्रवक्ता डा. रामप्रसाद धितालले भने जलविद्युत कम्पनीको निश्चित वित्तीय विवरण प्रकाशित गर्ने निश्चित फम्र्याट रहेको र सोही फम्र्याट अनुसार वित्तीय विवरण प्रकाशित गर्नुपर्ने बताए । यस कम्पनीको अघिल्लो वर्षको चौंथो त्रैमासमा १५ करोड ६ लाख रुपैयाँ घाटा व्यहोरेको थियो ।
