त्रिभुवन राजपथको सिस्नेखोलामा आएको पहिरोका कारण बाटो अवरुद्ध ।
मेलम्ची–६ नेपानेमा बाढीले बगाएका घर । अविरल वर्षाका कारण मेलम्ची नदीमा आएको बाढीले गए राति स्थानीयवासी कृष्णबहादुर थापा, भोजबहादुर थापा र दीपेश थापाको घर बगाएको हो ।
सप्तरीको राजविराजस्थित राम मन्दिरदेखि पानीट्याङ्की सडक खण्डमा बीच सडकमा नै पार्किङ गरी राखिएको मोटरसाइकल । यहाँ दैनिकरुपमा सडकको दुवैतर्फ मोटरसाइकल राखिएपछि सडकमा हिँड्ने बटुवादेखि सवारी साधनसमेत दुर्घटनाको उच्च जोखिम छ ।
हुम्लाको सदरमुकाम सिमकोट बजारमा ‘योगदान राष्ट्रका लागि’ हुम्लाद्वारा मास्क वितरण । सोही अभियानकर्मीद्वारा बजार क्षेत्रमा मास्क नगलाएकालाई मास्क वितरण गरिँदै ।
दिक्तेल रुपाकोट मझुवागढी नगरपालिकामा दश दिनका लागि निषेधाज्ञा लागू गरिएपछि मोटरसाइकल चलाएर आएका चालकलाई नियन्त्रणमा लिँदै ट्राफिक प्रहरी । दैनिकजसो सङ्क्रमण पुष्टि हुने दर नरोकिएपछि यस नगरपालिकामा भदौ १० गतेसम्मका लागि निषेधाज्ञा लागू गरिएको छ ।
जाजरकोटबाट तीन दिन पैदल हिँडेर जुम्ला सदरमुकाम खलङ्गा बजारमा सुपा बेच्न आएका किशोर । धान,कोदो,गहुँ र गेडागुडी केलाउन सुपा प्रयोग गरिन्छ ।
लिलाम हुन नसकेपछि कञ्चनपुर भन्सार कार्यालयमा झन्डै दुई वर्षदेखि थन्क्याएर राखिएका ३०० भन्दाबढी मोटरसाइकल ।
लमजुङ सुन्दरबजार नगरपालिकाको सुन्दरबजार नमूना अस्पतालमा बुधबार कोरोनाविरुद्धको पहिलो खोप लगाउन लामवद्ध विद्यार्थी । स्वास्थ्य कार्यालय लमजुङले १८ वर्ष पुरा गरेका दुई हजार १०० विद्यार्थीलाई कोरोनाको खोप लगाउने भएको छ ।
