विश्व सम्पदामा सूचिकृत पाटन दरबार क्षेत्रमा जीविकोपार्जनका लागि बेलुन बेच्न बसेकी एक बालिका ।
जीर्ण र साँघुरो अवस्थामा रहेको म्याग्दी र मुस्ताङलाई राष्ट्रिय राजमार्गसँग जोड्ने मालढुङ्गा–बेनी सडकको लामाखेत खण्ड । मर्मत र स्तरोन्नतिका अभावमा सडक जीर्ण हुँदा जोखिम र सास्ती भएको छ ।
म्याग्दीको प्रशिद्ध धार्मिकस्थल खयरबराही मन्दिरमा पूजाका लागि आइपुगेका भक्तजन । यस मन्दिरमा पूजा र भाकल गरे मनोकांक्षा पूरा हुने जनविश्वास रहेको छ ।
तनहुँको घिरिङ गाउँपालिका–४ गड्यौलीटारका किसान मास छर्न बारी जोत्दै । यहाँका अधिकांश कृषक मकैबाली भित्र्याएपछि मासबाली लगाउँछन् ।
पाँचपोखरी,थाङ्पाल गाउँपालिका–८ लाँगर्चे इन्द्रावती तेस्रो जलविद्युत आयोजनाको ड्याम साइड छेउमा गएको पहिरो । मङ्गलबार राति गएको पहिरोले मेगा बैंकमा कार्यरत कर्मचारीको एक मोटरसाइकल पुरिएको छ ।
पाटन दरबार क्षेत्रस्थित भीमसेन मन्दिर पुनःनिर्माण गरिँदै ।
खोटाङ जिल्लाको प्रमुख व्यापारिक केन्द्र दिक्तेल बजारको बाँकी सडक ढलान गर्न नाली निर्माण गरिँदै । शहरी विकास तथा भवन निर्माण आयोजना ओखलढुङ्गाको रु दुई करोड ६८ लाख लागतमा दिक्तेल बजार वरपर क्षेत्रमा सडक ढलान शुरु गरिएको छ ।
