काठमाडौं । अरुण काबेली पावरको ११औं वार्षिक साधारणसभा भदौ २६ गते हुने भएको छ । संस्थाको केन्द्रीय कार्यालय ट्रेड टावर थापाथलीमा बिहान ११ बजेबाट सभा सुरु हुने भएको हो । साभामा १७.८९% लाभांश पारित गर्ने विशेष प्रस्ताव राखिएको छ । कम्पनीले गत आर्थिक वर्षको नाफाबाट लगानीकर्तालाई १७% बोनस सेयर र कर प्रयोजनका लागि ०.८९% लाभांश प्रस्ताव गरेको छ ।
यस्तै बोनस सेयर वितरणपछि कायम चुक्ता पूँजीबाट १ः१ अनुपातमा हकप्रद सेयर निष्कासनका लागि स्वीकृत लिने प्रस्ताव पनि सभामा पेस हुँदैछ । कम्पनीले सभा र लाभांशका लागि भदौ १५ गतेदेखि भदौ २५ गतेसम्म बुक क्लोज गर्ने भएको छ । जसअनुसार कम्पनीले प्रस्ताव गरेको लाभांश सुरक्षित गर्न भदौ १४ गतेसम्म सेयर खरिद गरिसक्नुपर्नेछ।
