काठमाडौं । साताको कारोबारको पहिलो दिन आईतबार नेप्से घटेको छ । आज नेप्सेमा ४८.८४ अंकको गिरावट आएको हो । बिहीबारको तुलनामा नेप्से परिसूचक ४८.८४ अंकले घटेर ३०४५.२० बिन्दुमा पुगेको छ ।
नेपाल स्टक एक्सचेन्ज (नेप्से) का अनुसार आज कुल २२७ कम्पनीको २ करोड ४८ लाख ८८ हजार ३१३ कित्ता सेयर खरिद बिक्री हुँदा १५ अर्ब ६५ करोडमाथिको कारोबार भएको छ । आज पनि सबैभन्दा बढी कारोबार अरुण भ्याली हाइड्रोपावर कम्पनीको भएको छ । यस कम्पनीको १ अर्ब ३१ करोड ८३ लाख बढीको सेयर कारोबार भएको छ । आज १ समूह बाहेक सबै समूह घटेका छन् । यस्तै आज सबैभन्दा धेरै नारायणी डेभलपमेन्ट बैंकका लगानीकर्ताले कमाएका छन् ।
