काठमाडौं । विभिन्न स्थानमा जुवातास खेलिरहेका २१ जना पक्राउ परेका छन् । पाँच लाख नगदसहित उनीहरु पक्राउ परेका हुन् । काठमाडौं महानगरपालिका १६ बालाजु बसन्तनगर हिले टोल बस्ने भारत मोतिहारी घर भएका ३४ वर्षीय लाल बाबु गुप्ताको टहरोमा तास खेलिरहेको अवस्थामा गुप्तासहित ७ जनालाई सोमबार दिउँसो प्रहरीले पक्राउ गरेको हो । नगद १ लाख ३१ हजार रुपैयाँ र १ बुक ताससहित उनीहरुलाई  महानगरीय प्रहरी वृत्त बालाजुबाट खटिएको प्रहरीले पक्राउ गरेको हो ।

यस्तै नवलपरासी (पूर्व), देवचुली नगरपालिका १७ स्थित मणिराम महतोको कुमारवर्ती होटलमा तास खेलिरहेको अवस्थामा सोही ठाउँ बस्ने ३६ वर्षीय कमल महतोसमेत ५ जनालाई पनि सोमबार दिउँसो प्रहरीले पक्राउ गरेको हो। जिल्ला प्रहरी कार्यालयबाट खटिएको प्रहरीले उनीहरुलाई नगद १ लाख ५० हजार ८ सय ५० रुपैयाँ र ३ बुक तास सहित पक्राउ गरेको हो ।

साथै तनहुँको ब्यास नगरपालिका ४ बस्ने मिन बहादुर गुरुङको घरमा तास खेलिरहेको अवस्थामा गुरूङसमेत ९ जनालाई सोमबार साँझ प्रहरीले पक्राउ गरेको हो । जिल्ला प्रहरी कार्यालय तनहुँबाट खटिएको प्रहरीले उनीहरुलाई नगद २ लाख ३८ हजार ४० रुपैयाँ र ४ बुक तास सहित पक्राउ गरेको हो ।