चितवन। आन्तरिक राजस्व कार्यालय भरतपुरमा ५० करोड हाराहारी बक्यौता उठ्न सकेको छैन । मूल्य अभिवद्धि कर र आयकर गरी ४९ करोड ६५ लाख बक्यौता उठ्न बाँकी रहेको हो ।

कार्यालयले दिएको जानकारीअनुसार मूल्य अभिवृद्धि करतर्फ २५ करोड ८१ लाख र आयकरतर्फ २३ करोड ८३ लाख बक्यौता रहेको छ । मूल्य अभिवृद्धिकरतर्फ तीन जना करदाताको एक करोडभन्दा बढी बक्यौता छ ।

मूल्य अभिवृद्धि करतर्फ सी डब्लुएफ ग्लोबल जेभी, एनएन कोई विल्डर्स र इनाम आशिष जेभीको बक्यौता एक करोडभन्दा माथि छ । आयकरतर्फ एनएन कोई विल्डर्स र जिल्ला सहकारी सङ्घको बक्यौता रु एक करोडभन्दा माथि छ ।- रासस